Moti i nxehtë dhe sasia e lartë e karbonit vrau afro 50,000 njerëz në Evropë vitin e kaluar. Kontinenti po ngrohet shumë më shpejtë se pjesët e tjera të botës, duke çuar në zjarre, thatësirë dhe probleme shëndetësore. Zbulimet e studiuesve konfirmojnë se zjarret shpërthyen në pyjet jashtë Athinës, pasi Franca lëshoi paralajmërime për temperatura rekord në Europë. Jo vetëm Greqia, por Britania e Madhe u përball me atë që Zyra Metologjike pret të jetë dita e saj më e nxehtë e vitit. Mjekët e quajnë nxehtësinë një "vrasës të heshtur" sepse ajo merr shumë më tepër jetë sesa mendojnë shumica e njerëzve. Shkalla e vdekshmërisë në vitin 2023 do të ishte 80% më e lartë nëse njerëzit nuk do të ishin përshtatur me temperaturat në rritje gjatë dy dekadave të fundit, sipas studimit të botuar në “Natur Medisin”. Valët e të nxehtit janë bërë më të nxehta dhe më të gjata pasi njerëzit kanë djegur lëndë djegëse fosile dhe kanë shkatërruar natyrën – duke bllokuar atmosferën me gazra që veprojnë si një serë dhe ngrohin planetin. Në nivel global, viti 2023 ishte viti më i nxehtë i regjistruar dhe shkencëtarët presin që 2024-ta së shpejti të zërë vendin e tij. Shkencëtarët zbuluan se vdekshmëria e lidhur me nxehtësinë në vitin 2023 ishte më e larta në Greqi, me 393 vdekje për milion njerëz, e ndjekur nga Italia me 209 vdekje për milion dhe Spanja me 175 vdekje për milion.