Shumë deputetë që nuk arritën të siguronin një vend në Kuvend ose që nuk u përfshinë në listat si zgjedhje kryetarit do të largohen nga organet drejtueset te partisë demokratike . Ndryshimi i grupit parlamentar do të imponojë rifreskim të përbërjes së kryesisë së partisë demokratike dhe komisioneve parlamentare në nisje te sesionit te vjeshtes duke përshtatur strukturat me realitetin e ri politik që prodhuan zgjedhjet. Sali Berisha i dha pushime pa afat mbi gjysmës së deputetëve te grupit parlamentar, të cilët në vjeshtë nuk do kenë mundësi të ulen në bankën e Kuvendit e për pasojë do të zhvishen dhe nga pozicionet që mbanin në parti. Konfigurimi i ri i grupit kuvendor do prodhojë një përbërje të re të një tjeter organi vendimmarrës: Kryesisë së Partisë Demokratike ku shume figura do të largohen për shkak se nuk do të gëzojnë më, pozicionet drejtuese në komisionet parlamentare. Divorci politik me Sali Berishën erdhi me kosto për Ferdinand Xhaferri, i cili u la jashtë listave nga kryetari. Ish deputeti ishte pjese e Kryesisë për shkak te funksionit si nën-kryetar i Komisionit të Sigurisë Kombëtare, por me realitetin e ri ai nuk do jete me pjese e ketij organi. Të njëjtin fat do kete edhe Dhurata Cupi, e cila nuk pati nje bilete të sigurte për në Kuvend pasi u hodh ne listën e hapur nga kryetari, në karrigen e saj si nënkryetaren e Komisionit te Ligjeve pritet te ulet një emer i ri. Zheni Gjergji e kishte siguruar një vend në Kryesi për shkak të pozicionit si kryetare e Komisionit te Shëndetësisë, por edhe atë e kapi “fshesa” e kryetarit para zgjedhjeve. Edmond Spaho të cilin Sali Berisha e hodhi në listën e hapur njoftoi largimin nga politika pasi zgjedhjet u mbyllen i zhgënjyer, duke vene ne pikepyetje drejtimit ne sekretatrit te Integrimit që e bëri pjesë të Kryesisë. i paqartë ështe edhe pozicioni i tij Helidon Bushatit si anëtar exofficio pasi braktisi trenin elektoral te Partisë Demokratike para zgjedhjeve. Në Partinë Demokratike asnjë nuk flet për dorëheqje si rezultat i reflektimit për disfatën elektorale, por rifreskimi i organeve drejtuese dhe riorganizimi i brendshëm është i pashmangshëm si pasojë e realitetit politik që prodhuan zgjedhjet. Shumë zëra pas humbjes në thelle kërkuan ndryshime të kupolës drejtuese, por Sali Berisha është investuar për momentin ne faktimin e asaj që cilëson farsë me shpresën se me kalimin e vapës dhe rinisjen e vjeshtës mendjet e demokratëve do jene freskuar.