I është dhënë lamtumira e fundit nënës Marsida Ademajdhe djalit të saj 5 vjecar Dionit, të cilët humbën jetën tragjikisht nga përmbytjet që ndodhen gjatë së shtunës në Pejë. Familjarë, miq, përfaqësues të institucioneve, por edhe ministra të kabinetit qeveritar dhe shumë qytetarë ishin të pranishëm në varrimin e dy viktimave nga Peja. Kjo prezencë e madhe, thanë familjarët ishte mbështetje për ta në këto momente të dhimbjes së thellë. Xhaxhai i 5-vjeçarit, rrëfeu edhe momentin e rëndë kur iu desh t’i jepte lajmin e kobshëm familjes së kunatës së ndjerë që jetonin në gjermani Albert Ademaj, familjari i viktimave "Familja e kunatës kanë qenë në Gjermani, se kanë prit as ata e as ne. I kam thirr dhe i kam lajmërua për rastin, kemi qenë të shokuar të gjithë se nuk e kemi prit" Mbrëmjen e të shtunës që lamë pas, në qytetin e Pejës pati vërshime të mëdha e për pasojë përmbytje masive që shkaktuan edhe vdekjen e nënë e bir. Po ashtu nga përmbytjet janë shkaktuar dëme të mëdha materiale. Policia informoi se pas vdekjes së 5-vjeçarit, në lagjen "Asllan qeshme", u gjet e vdekur edhe nëna e tij, e cila ishte shpallur fillimisht e zhdukur.