Pas Vlorës kryeministri Edi Rama ua përsëriti edhe bizneseve të Sarandës se do të marrë fund mos-deklarimi i saktë i numrit të turistëve në hotelet e tyre. “Bëni shumë hile me numrin e shtretërve të zënë, duhet ta pranoni, çështja është që kjo hile na pengon të bëjmë më shumë për qytete sepse nuk i jepet mundësia bashkisë të mbledhë të ardhurat që i takojnë nga okupimi i shtretërve. Në Sarandë dhe Ksamil, nuk pretendon dot dikush që në korrik-gusht ka shtretër bosh, por po të shikosh deklarimet tuaja, duket sikur jetoni në krizë. Ne ulëm TVSH pikërisht për këtë, dhe prapë se prapë ju bëni sikur nuk kuptoni.