Prej disa muajsh në këtë banesë ku sot nuk ka njeri 25 vjeçarja e cila dyshohet se mund të binte pre e shfrytëzimit të prostitucionit jetonte së bashku me Ervin Hykon dhe vajzën e saj të mitur. Banorët e fshatit pohojnë jashtë kamerave se Hyko kishte pranuar se e reja ishte bashkëjetuesja e tij ndërkohë që më herët ai kishte enë i martuar por ishte i divorcuar. 37 vjeçari Hyko kishte punësuar çiftin nga fshati Braçanj i Devollit për të punuar në stallën e tij të bagëtive e cila ndodhet në një distancë të konsiderueshme nga fshati dhe në një terren të vështirë për tu arritur. Bashkëshorti i saj punonte si çoban ndërkohë që pronari kishte krijuar një lidhje intime me 25 vjeçaren, me të cilën bashkëjetonte prej disa muajsh në fshatin Petrushë. Babai i 25 vjeçares thotë se nuk ka komunikim me vajzën por di se çifti herë pas here nuk jetonin bashkë. Gjithçka nisi në momentin që bashkëshorti i 25 vjeçares, e ka zbuluar lidhjen e saj me pronarin e stallës pasi mes tyre pasur një konfrontim fizik. Ai ka denoncuar në polici rastin e dhunës nga pronari por e kaluara e 25 vjeçares ka nxitur hetuesit që të ngrenë dyshime për një shfrytëzim të mundshëm.