Drejtori i policisë Ardi Veliu ka dhënë detaje për ngjarjen që tronditi Elbasanin. Ashtu siç Top Channel raportoi më herët se do të kishte të arrestuar të tjerë për ngjarjen, Veliu dha emrat e të arrestuarve dhe akuzat që rëndojnë mbi ta. Veliu tha se fillimisht janë njoftuar shërbimet e Drejtorisë Vendore të Policisë Elbasan, nga shtetasi Arjan Hoxha, i prezantuar si përgjegjës i sigurinë për shtabin elektoral të subjektit politik Partia Demokratike për qarkun Elbasan, së në rrugën ”Lef Nosi”, në qytetin e Elbasanit, kishte një incident me disa persona. Në vendngjarje, Arjan Hoxha është shkëputur nga grupi i personave që e shoqëronin dhe ka komunikuar me punonjësit e Policisë, tha Veliu, duke u thënë se ai bashkë me disa persona të tjerë kishin bllokuar një person, për të cilin pretendonin se po kryente veprime për blerje votash për një subjekt politik.