Në seancën e radhës ndaj Dritan Dajtit Burgu i Peqinit u shpreh i pamundur për të bërë përllogaritjen e dënimit të kryer nga i dënuari. IEVP Peqin i është drejtuar për ndihmë Drejtorisë së Përgjithshme të Burgjeve dhe Ministrisë së Drejtësisë për përllogaritjen e dënimit në kushtet kur ndaj Dritan Dajtit rëndojnë disa vendime gjyqësore. Teksa asnjë prej institucioneve eprore nuk i ka kthyer përgjigje Burgut të Peqinit ky i fundit nuk mund të ndërmarrë asnjë veprim ndaj Dritan Dajtit i cili nga ana e tij kërkon konstatimin e kryerjes së dënimit. Por gjykata në të njëjtën linjë me prokurorinë e kanë cilësuar të pabazuar pretendimin e IEVP Peqin, pasi këtij institucioni nuk i kërkohet interpretimi ligjor i vendimeve të gjykatave, por vetëm përllogaritja matematikore e dënimit të vuajtur. Në këto kushte seanca e radhës ndaj Dritan Dajtit u shty për në 30 Korrik për ti lënë kohë Burgut të Peqinit të bëjë llogaritë e vuajtjes së dënimit deri në datë 11.06.2024 para daljes së vendimit të Gjykatës së Lartë e cila e kthen Dritan Dajtin në burg përjetë. Ndërkohë gjykata nuk pranoi kërkesën e mbrotjes për zëvendësimin e trupit gjykues, ndërsa pas shkarkimit nga vetingu pak ditë më parë të Neritan Hoxhës, çështja Dritan Dajti ju caktua një prokuroreje rishtas.