Gjykata Lartë në Shtetet e Bashkuara vendosi që të lë në fuqi një ligj në Teksas, që I mundëson autoritetetve arrestimin dhe burgosjen e emigrantëve të paligjshëm. Ligji I mbështetur nga republikanët është pjesë e të ashtuquajturës paketë e ashpër ligjore për emigracionin. Kështu trupi gjykues i kryesuar nga konservatorët vendosi të refuzojë kërkesën e administratës së presidentit Biden e cila e cilësonte këtë ligj në shkelje me Kushtetutën amerikanë dhe ligjin federal, pasi ndërhyn në detyrat e qeverisë. Sipas ligjit, i njohur si SB4, policia mund të arrestojnë dhe ndjekin penalisht të gjithë ata persona që dyshohet se mund të kenë kaluar kufirin SHBA-Meksikë në mënyrë të paligjshme. Përmes këtij vendimi, autoritetet mund edhe t’I kthejnë mbrapsht të gjithë këta persona. Prokurori i Përgjithshëm i Teksasit Ken Paxton e përshëndeti vendimin si një "fitore të madhe" kundër administratës Biden dhe Unionit Amerikan për Liritë Civile. “Si gjithmonë, është nderi im të mbroj Teksasin dhe sovranitetin e tij dhe të na çojë drejt fitores në gjykatë”, shkroi ai në një postim në platformën X. Ligji u nënshkrua më 5 dhjetor nga gurvenatori I teksasit Greg Abbott, I cili e cilësoi ligjin si tejet të domosdoshëm pasi administrate Bidne dështoi në ndalimin e hyrjeve ilegale. Pamjet: AFP