9 persona pjesë e një rrjeti të shpërndarjes së kokainës dhe marijuanës janë vënë në pranga nga policia e Gjirokastrës. Hetimet për rrjetin e trafikimit të drogës kishin nisur 6 muaj më pare, por operacioni është finalizuar gjatë natës me ekzekutimin e urdhër-arresteve në banesat e tyre. Oficerët kanë kanë ekzekutuar masat e sigurisë për 9 shtetas me arrest në burg, 2 në arrest shtëpie dhe 1 person është shpallur në kërkim. Policia ka sekuestruar edhe sasi lëndësh narkotike dhe prova të tjera në ngarkim të personave në hetim. Personat e ndaluar të moshave mes 30 dhe 50 vjeç dyshohet se bashkëpunonin prej vitesh mes tyre dhe kishin krijuar një rrjet të konsoliduar të shitjes dhe shpërndarjes së drogës në doza të vogla në mjedise publike, pranë shkollave, bareve por edhe siteve turistike. Dyshohet se një pjesë e sasisë së drogës në doza të vogla destinohej për klientë të huaj që vizitojnë Jugun e Shqipërisë si turistë.