Gjermania është përballur vitet e fundit me vështirësi ekonomike që e sfiduan seriozisht statusin e saj të motorit ekonomik të Europës. Por fuqia e rimëkëmbjes është sinonim i vendit të rëndësishëm europian, e këtë, gjermanët po e dëshmojnë sërish. Sipas të dhënave më të fundit, ekonomia gjermane e kapërcveu momentin më të vështirë e në 2026-tës pritet ta marrë veten sërish. Institutet kryesore kërkimore i kanë korrigjuar duke i ngritur parashikimet e tyre. Sipas IFO, produkti i brendshëm bruto (PBB) mund të rritet me 1.5%, pothuajse dyfishi i 0.8% të projektuar fillimisht. Ekspertët gjithashtu kanë ngritur parashikimet e tyre për këtë vit, nga 0.2% në 0.3%. Treguesit kryesorë konfirmojnë vlerësimin tonë se, pas dy vitesh rënieje, industria ka arritur tabanin. "Kriza në ekonominë gjermane arriti nivelin më të ulët në gjysmën e dimrit të vitit", tha Timo Ëollmershäuser, Drejtor Ekonomik i Ifo-s. Një nga arsyet për rritjen e pritur tani është paketa e shpallur nga qeveria e re gjermane. Ekonomistët e Mynihut vlerësojnë se ndikimi ekonomik i rritjes së shpenzimeve, uljes së taksave dhe investimeve do të jetë 10 miliardë euro këtë vit dhe 57 miliardë euro vitin e ardhshëm. Megjithatë, korrigjimi i parashikimeve bazohet kryesisht në tezën se konflikti tregtar me BE-nëi shkaktuar nga qeveria amerikanedo të zgjidhet në mënyrë të favorshme. Nëse kjo nuk ndodh, tarifat doganore të rritura nga Presidenti i SHBA-së Donald Trump do të ulnin rritjen ekonomike gjermane me 0.1 pikë përqindjeje këtë vit dhe me 0.3 pikë përqindjeje në vitin 2026. Nëse arrihet një marrëveshje në mosmarrëveshjen tregtare, rritja mund të jetë më e madhe, por në të kuhndërt, një përshkallëzim i situatës mund të çojë në një recesion të ri.