Të tjera armë të rënda dhe municione u gjetën nga policia e Kosovës këtë të shtunë në komunat veriore. Armatimet u zbuluan të fshehura në një zonë të pyllëzuar mes fshatit Brezne dhe Zveçan. Pjesë e territorit kjo që u shfrytëzua nga grupi I armatosur I serbëve gjatë sulmit të ndodhur më 24 shtator. Policia tha se gjeti gjithashtu edhe një raketahedhës si dhe paisje të tjera ushtarake, mes të cilave radio por dhe jelek anti-plumb. Kjo është e disata herë që autoritetet kosovare gjejnë armatime të fshehura në këtë zonë. Vetëm pak ditë më parë u gjet një arsenal I madh armësh si dhe makina që dyshohet se do përdoreshin nga grupi I armatosur gjatë sulmi të 24 shtatorit ku mbeti I vrarë rreshteri Afrim Bunjaku. Gjatë shkëmbimit të zjarrit u vranë dhe tre agresorë ndërsa u arrestuan dhe tre të tjerë që po mbahen në paraburgim. Kosova për ngjarjen akuzoi Serbinë, por kjo e fundit I mohoi akuzat. Përgjegjësinë për organizimin e sulmit e mori Millan Radoiçiç, ish nënkryetar i Listës Serbe, partisë më të madhe të serbëve në Kosovë.