Të paktën 26 persona u vranë dhe mbi 111 të tjerë u plagosën pas një sulmi të ushtrisë izraelite pranë një qendre shpërndarjeje të ndihmave humanitare në zonën e Rafahut, në jug të Rripit të Gazës, raporton BBC. Sipas burimeve lokale dhe humanitare, përfshirë rrjetin Al Jazeera dhe Mbrojtjen Civile të Gazës, incidenti ndodhi ndërsa qindra civilë po përpiqeshin të merrnin ndihma ushqimore nga një pikë shpërndarjeje e Fondacionit Humanitar të Gazës, pjesë e një programi ndihmash të koordinuar nga Shtetet e Bashkuara. Zona ku ndodhi sulmi ishte shpallur më parë nga autoritetet izraelite si “e sigurt” për civilët e evakuuar.