Presidenti rus Vladimir Putin dhe lideri çeçen Ramzan Kadyrov inspektuan të martën trupat çeçene dhe vullnetarët që ishin gati për të luftuar Ukrainën, tha Kremlini, në udhëtimin e parë të Putinit në 13 vjet në republikën e Kaukazit të Veriut. Udhëtimi i paparalajmëruar më parë në republikën kryesisht myslimane që është pjesë e Rusisë, vjen ndërsa Moska lufton për të larguar forcat ukrainase nga rajoni i saj Kursk dy javë pasi ata thyen kufirin në pushtimin më të madh të Rusisë që nga Lufta e Dytë Botërore, raportoi Reuters. “Për sa kohë që ne kemi burra si ju, ne jemi absolutisht të pathyeshëm,” u tha Putin trupave në Universitetin e Forcave Speciale Ruse, një shkollë trajnimi në Gudermes të Çeçenisë. “Ndryshe është të gjuash në një poligon dhe ndryshe të rrezikosh jetën dhe shëndetin tënd. Por ju keni një nevojë të brendshme për të mbrojtur atdheun dhe guximin për të marrë një vendim të tillë”, u shpreh presidenti rus.