Banda e Gardës Skoceze të ushtrisë britanike luajti këngën 'Stefania', me të cilën Ukraina u paraqit në festivalin e Eurovision, në solidaritet me ditën e pavarësisë së vendit. Performanca e rojave britanike u bë gjatë paradës së ‘Gardës së Kalëruar’ dhe përkonte me ditën e Pavarësisë së Ukrainës, si dhe me 6-mujorin e sulmit të Rusisë ndaj territoreve te saj jugore e lindore. Në Kiev, 31-vjetori i pavarësisë nga ish-Bashkimi Sovjetik ishte sivjet më i zbehtë, me ceremoni të zyrtarëve në memorialet vendase. Në vite të kaluara dita është celebruar me parada të plota ushtarake por situata e sivjetshme e luftës nuk lejonte ceremoni të gjera shtetërore. Presidenti Volodymir Zelenski mbajti një fjalim emocional për rastin, ku foli për pushtimin rus duke e krahasuar me ‘një ditë të re pavarësie’. "Një komb i ri ka lindur që prej 24 shkurtit, një komb që nuk qau e nuk u tremb, por luftoi”, tha mes të tjerash ai. edhe daunin stret kishte stolisur me lule ngjyrë të verdhë dhe blu derën në nder të ditës së pavarsisë së ukrainës. ndërkohë që kryeministri në ikje boris johnson vizitoi kievin ndoshta në udhëtimin e fundit si kryeministër