Padia e një djali nga Kosova është kthyer në shkakun e forcimin e të drejtave të të gjithë të huajve pa nënshtetësi, por të lindur e të rritur në Gjermani. Me vendimin e fundit, veprat penale të së shkuarës nuk do të konsiderohen më për ta automatikisht si shkak dëbimi. I riu nga Kosova bën pjesë tek ata persona që në Gjermani quhen nga ana juridike "faktikisht vendas”, thuajse vendas, shpjegojnë mediat ne Gjermani. Fjala është për persona të huaj që nuk e zotërojnë nënshtetësinë gjermane, por ose kanë lindur në Republikën Federale të Gjermanisë ose kanë ardhur si fëmijë të vegjël dhe prej vitesh kanë hedhur rrënjë në këtë vend. Krahas të drejtës për respektimin e jetës familjare dhe private, sipas Konventës Europiane për të Drejtat e Njeriut, në grindjen për dëbimin ata mund t'i referohen sipas juridiksionit të Gjykatës Kushtetuese gjermane edhe të drejtës kushtetuese për zhvillimin e lirë të personalitetit, argumentuan gjykatësit gjermanë.Paditësi nga Kosova kishte ardhur mjaft i vogël në Gjermani, kishte shkuar në kopsht gjerman, më pas kishte arritur të merrte dëftesën e arsimit të mesëm. Ai ishte kualifikuar si punëtor i logjistikës në Gjermani. Nga viti 2018 duhej të dilte disa herë para gjyqit për shkak të disa veprave penale të lidhura me drogën dhe pjesërisht sulmeve me lëndime të rënda trupore. Në fillim të vitit 2022 ai u dëbua nga Gjermania në Kosovë. Zyra e të huajve vendimin e marrë për dëbimin e kishte argumentuar me rrezikun e lartë të përsëritjes së veprave penale. Me padinë e ngritur, kosovari i ri arriti ta bëjë të vlefshme para gjykatës të qenurit "faktikisht vendas” dhe se vepra penale i ka kryer në moshën e adoleshencës. Ndërkohë ai i paraqiti gjykatës edhe përfundimin e një terapie kundër drogës dhe tregoi se ka respektuar masat e riintegrimit në shoqëri.