Në zonën rezidenciale të Les Indes, pranë Parisit, sipërmarrës të rinj kanë ngritur një fermë hidro-ponike produktesh ushqimore. "Parimi i hidroponikës është i thjeshtë: të furnizosh me shumë ujë e oksigjen rrënjët e bimëve të ndryshme, duke punësuar rezidentët për të rritur produkte të tavolinës”, thotë themeluesi i saj Gijom Fujet. Ai shton më tej: "Duke shtuar fertilizues, që në rastin tonë janë gjithmonë organikë, ne mund të krijojmë këtu një ekosistem të pasur me bakterie, myshqe apo alga”. Fujet thotë se është e rëndësishme integrimi i panoramës urbane me aktivitete të tilla prodhuese nga të cilat mund të përfitojnë të gjithë, kryesisht ata që kanë më shumë nevojë. Punonjësja vendase Safia Zalagh, thotë se në parkingun e braktisur të rinjtë vinin për t’u relaksuar, ndërsa tani është kthyer në një vend pune. "Më parë ishte një garazh, por meqënëse nuk ka më makina ne e kemi përdorur si fjetore. Dëgjonim muzikë, shihnim ndeshje futbolli”. “Takoheshim këtu për pak privatësi, për t’u fshehur për pak kohë. Por tani është kthyer në një vend pune, unë jam e lumtur sepse po punoj”, thotë ajo.