Një varrezë e zbuluar së fundmi në Francë dyshohet të jetë me fëmijët e komunitetit Harki që vdiqën në një kamp 59 vjet më parë. mësohet se aty do të fillojnë së shpejti gërmime. Rreth 200,000 algjeriane Harki kanë luftuar në betejat koloniale franceze kundër ushtrisë çlirimtare algjeriane në vitet 1954-62. Pas fitores së nacionalistëve dhe shpalljes së pavarësisë, një pjesë e luftëtarëve arabë pro-Francës u morën prej saj, ndersa pjesa e mbetur u shfaros në vend nga fitimtarët. Vetëm rreth 50,000 Harki u lejuan të vijnë në Francë, disa prej të cilëve ishin gra dhe fëmijë. Qeveria franceze fillimisht refuzonte të njihte të drejtat e tyre, duke i mbajtur për vite në kampe të izoluara përqendrimi. Aktivistja Nadia Ghouafria, tregon për gjetjen në ish-kampin e Rossignac: "Në vitin 1962, këtu u varrosën fëmijët e veteranëve Harki, shumica e të cilëve vdiqën nga epidemitë." "Në rregjistrimin e varrosjes janë listuar 70 persona, mes të cilëve 60 fëmijë dhe 10 të rritur”. "Jemi të lumtur për nisjen e gërmimeve pasi këta të vdekur nuk do të jenë më të harruar. Ata fëmijë ishin bashkëatdhetarët tanë”, thotë ajo.