Vijon të ketë probleme edhe sot qarkullimi në aksin Librazhd-Qafë Thanë, pranë fshatit Dragostunjë. Qarkullimi bëhet vetëm një korsi e gjysmë, pasi një gur i madh ende nuk është zhvendosur. Korrespondentja e Top Channel Bruna Kërçyku raporton se në rrugën që mbeti e bllokuar për 8 orë ditën e djeshme, mund të shkëmbehen dy mjete të vogla, por jo ato të tonazhit të rëndë.