Ekipet e riparimit të avarive po përpiqen ende të rivendosin furnizimin me energji dhe ujë në një pjesë të madhe të qytetit të Volosit në Greqinë qendrore pasi një stuhi tjetër e quajtur Elias e shoqëruar me rreshje shiu të rrëmbyeshme ka goditur përsëri Thesalinë dhe disa zona të tjera të vendit , vetëm tre javë pasi stuhia vdekjeprurëse "Daniel" përmbyti të njëjtin rajon. 80% e Volosit ka mbetur pa energji elektrike dhe pa ujë dhe gjatë natës së kaluar shërbimi zjarrfikës ka marrë 800 thirrje për ndihmë nga qytetarë që kanë mbetur të bllokuar nga ujërat në shtëpitë e tyre. Pjesa më e madhe e përmbytjeve ndodhi në qëndrën qytetit dhe në unazën e tij .Në Alykes dhe Agria ,përrenjtë e vrullshëm që kanë dalë nga shtrati duke sjellë sasi të mëdha uji, balte dhe inertesh, kanë rrëmbyer dhjetëra makina dhe i kanë hedhur në det. Pamjet: AFP