Eksodi I refugjatëve nga krahina e Nagorni-karabakut drejt Armenisë vazhdon të shtohet. Prej ditë së hënë shumica e popullsisë së kësaj zone braktisi banesat në territorin separatist që u mor nën kontroll nga Azerbaixhani dhe vijoi eksodin drejt territorin armen. Kolona e refugjatëve që kalojnë kufirin shkon deri në 100 kilometra sipas autoriteteve. Ndërkohë nga ana tjetër Organizata e Kombeve të bashkuara bëri me dije se rreth tre të katërtat e popullsisë armene që banonin në rajonin e Nagorni Karabakut tashmë janë regjistruar si refugjatë në Armeni. Ky numër, raporton Zëri I Amerikës, pritet të shtohet akoma më shumë. Okb nga ana tjetër vlerëson se e gjithë popullata armene tashmë po e braktis rajonin dhe po kërkon strehë në shtetin armen. “Është shumë e vështirë të thuhet saktë sa njerëz do të vijnë. Padyshim, tani kemi mbi 80,000 refugjatë të regjistruar, por ne jemi gati të përballojmë deri në 120,000. Situata po ndryshon me shpejtësi”, thotë Kavita Belani, përfaqësuesja e OKB-së në Armeni. Nga luftimet e zhvilluara përgjatë viteve të fundit mes dy shteteve qindra njerëz u vranë ndërsa mijëra të tjerë zgjodhën të braktisin vendin ku banonin për të shpëtuar. Në mesin e muajit shtator, pas shumë dekadash me përleshje sporadike, Azerbaixhani mori me shpejtësi në kontroll rajonin e Nagorni Karabakut, një rajon separatist, që shtrihet në brendësi të kufijve të njohur ndërkombëtarit të Azerbaixhanit. Pamjet: AFP