Medi Iseni, personazhi i njohur në TikTok, në një intervistë për Top Channel ka treguar gjithë çfarë ka ndodhur në klubin e natës në Pejë, ku është dhunuar brutalisht, së bashku me kunatin e tij. Iseni thotë për Top Channel se ka qenë Arkimed Lushaj, i njohur si Stresi, ai që i ka kërkuar që të shkojë në klubin ku do të përforconte Rigels Rajku, i njohur si Noizy, për të sheshuar konfliktet që kanë pasur më herët mes tyre, por që sipas tij nuk rezultoi ashtu. Ai ka treguar se konflikti me Noizyn ka nisur disa muaj më parë në Zvicër, për të cilin thotë se njerëz të Noizyt i kanë ofruar para. Në bisedën telefonike me redaksinë e Top Channel, ai thotë se është dhunuar me doreza hekuri, ndërsa shton se Stresi ka pasur armë zjarri me vete. Iseni thotë se tashmë çështjen do t’ia lejë drejtësisë dhe se nuk do t’i tërheqë denoncimet që ka bërë ndaj tyre, ndërsa i pyetur nëse ndihet i kërcënuar, ai thotë se “po”, teksa shton se janë përfshirë edhe përsona të tjerë që i kanë kërkuar të tërheqë denoncimin.