Mund të duket e pabesueshme, por zhytësi protagonist i kësaj ngjarjeje është gjallë për ta rrëfyer atë vetë. Michael Packard po kërkonte për karavidhe në Herring Cove Beach në Massachussets, kur pati një takim vërtet të pazakontë. Përballë gjeti një balenë kurrizore, e cila e gelltiti të tërin. Në një histori që të sjell në mendje atë të Pinokut, zhytësi e gjeti brenda gjitarit gjigand të detit. “ Krejt papritur ndjeva një goditje të fortë, dhe gjithcka m`u errësua. Ndieja megjithatë që po lëvizja e po kështu ndieja dhe muskujt që shtrëngoheshin në gojën e balenës”, ka rrëfyer. Packard tha se fillimisht mendoi mos e kishte kapur një peshkaqen i madd i bardhë, por pastaj pa se nuk kishte ndonjë plagë të dukshme në trup. Burri mendon se ka qëndruar brenda balenës për 30 deri në 40 sekonda.” Në ato momente, thashe me vete se aq e pata, mbarova, do vdes aty. Kur papritur balena u ngjit në sipërfaqe dhe nisi të lëvizte fort kokën. Më lëshoi në ajër dhe përfundova në ujë. Nuk e besoja dot as vetë” rrëfen ai. Packard i mbijetoi incidentit vetëm me disa mavijosje.