Nisma e “Ballkanit të hapur” është një nga mënyrat që Serbia dhe Maqedonia e Veriut të forocojnë marrëdhëniet e vjetra dhe tradicionalisht të mira dypalëshe, u shpreh kryeministri maqedonas Zoran Zaev në një intervistë për median serbe, Politika. Liderët e të dy vendeve, theksoi ai, udhëhiqen nga parimi se përmirësimi dhe avancimi i marrëdhënieve të ndërsjellta është përgjegjësi e tyre. Pikërisht, si shprehje e një vendosmërie të tillë politike lindi dhe ideja për Ballkanin e Hapur, shpjegoi ai. “Iniciativa është rezultat i vullnetit të fortë politik të Maqedonisë, Shqipërisë dhe Serbisë dhe interesit më të madh të tre vendeve që t`i lidhim ekonomitë tona me një zhvillim të mëtejshëm, e treg të përbashkët rajonal. Përfitimet sipas tij pritet të ndihen së shpejti ne buxhetet e miliona familjeve dhe cilësinë e jetës së qytetarëve. Kryeministri maqedonas kujtoi ndër të yjera edhe sesi e ndihmoi Beogradi Shkupin më vaksina në fillimin e procesit të imunizimit. Serbia, tha ai, ishte e para që hoqi dorë nga sasië e veta, duke e ndihmuar Maqedoninë të kapërcente ngërcin e momentit. Dy parti shqiptare, BDI dhe BESA janë ndër partnerët më të rëndësishme të LSDM-së së Zaevit në koalicionin qeveritar.