Dua Lipa fitoi mbi 51 milionë paund gjatë vitit 2023, duke lënë pas Ed Sheeran dhe Adele në listën e më të pasurve të yjeve të popit. Të dhënat e bëjnë atë një nga muzikantet më të paguara në Britani, vetëm tetë vjet pasi ajo filloi karrierën. Shifrat u depozituan në Shtëpinë e Kompanive këtë fundjavë dhe u nënshkruan nga auditorët. Gjatë periudhës, kur ajo ishte në turneun botëror Future Nostalgia, kompania e saj grumbulloi 17.9 milion £ në Evropë dhe 18.5 milion £ të tjera në Amerikën e Veriut. Kjo e rrit ndjeshëm pasurinë e Duas pasi ajo u rendit e 21-ta në listën e të pasurve të Sunday Times për moshat nën 35 vjeç vitin e kaluar me një vlerë të vlerësuar prej 75 milionë paund. 34-vjeçarja publikoi albumin e saj të tretë Radical Optimism në maj. Dua synon të ketë një tjetër vit fitimprurës në 2025, pasi njoftoi dy shfaqje kryesore në stadiumin Wembley të Londrës, ku biletat u shitën brenda ditës. Aktualisht, këngëtarja e New Rules po shijon pushimet verore pas një sërë koncertesh. Më pas ajo do të përgatitet për një turne nëpër Azi në nëntor dhe dhjetor përpara se të kthehet në MB.