Këshilli i Ministrave të Bosnjë dhe Hercegovinës vendosi anulimin e samitit të liderëve të Ballkanit Perëndimor dhe Bashkimit Europian që ishte planifikuar të mbahej në 4 dhe 5 dhjetor në Neum të Bosnje Hercegovinës, dhe e gjithë kjo për shkak të një tenderi. Lajmin e konfirmoi zëvendëskryetari i Këshillit të Ministrave të Bosnje e Hercegovinës, njëherazi ministri i Mbrojtjes, Zukan Helez, i cili tha se samiti i anulua për shkak se dështoi tenderi për organizimin e këtij eventi. “Pati një ankesëndaj atyre që paraqitën ofertën më të mirë”, ka rrëfyer ai. Helez shtoi se tenderi i ri për organizimin e samitit do të shpallet “menjëherë” dhe se me shumë gjasë ky takim mund të mbahet në janar të vitit të ardhshëm. Samiti duhet të mblidhtë liderët kryesorë nga rajoni dhe BE-ja, me synimin për të forcuar bashkëpunimin dhe për të shqyrtuar çështje të rëndësishme politike, ekonomike dhe shoqërore. Edhe pse nuk është konfirmuar zyrtartisht, pritej që në punimet e tij të merrte pjesë edhe Marta Kos, e cila në 1 dhjetor merr detyrën e komisioneres së BE-së për Zgjerimin. Kjo duhet të ishte një nga vizitat e saj të para zyrtare. Pikërisht sllovenia Kos pritet të merret më së shumti me Ballkanin Perëndimor në pesë vitet e ardhshme se bashku me përfaqësuesen e lartë për politikë të jashtme dhe siguri, Kaja Kallas. Që të dyja, gjatë seancave dëgjimore, kanë premtuar se do të angazhohen që në pesë vjetët e ardhshëm zgjerimi i Bashkimit Europian të bëhet realitet.