Shtëpia e Bardhë e quan “Dita e Clirimit”, por në mbarë botën po priten me shqetësim tarifat universal të Donald Trumpit. Presidenti amerikan insiston se ato do të ndihmojnë prodhuesit amerikanë duke inkurajuar konsumatorët të blejnë mallra të prodhuara nga Shtetet e Bashkuara. Por analistët paralajmërojnë se kjo mund të rrisë çmimet dhe të shkaktojë një luftë tregtare. Konsensusi nga shumë ekonomistë është se tarifat nënkuptojnë çmime më të larta për konsumatorët.