Kryeministri indian Narendra Modi ishte i ftuar nderi gjatë festimeve të Ditës së Bastijes në Francë, të cilat po zhvillohen nën masa të rrepta sigurie dy javë pasi trazirat e rënda përfshinë vendin. Rreth 45,000 policë janë vendosur në gatishmëri, ndërsa po zhvillohen organizimet e ndryshme në qendër të kryeqytetit, përfshirë edhe spektaklin e fishekzjarreve. Festimet vjetore të Ditës së Bastijes, të cilat shënojnë sulmin në burgun e Bastijes në fillimin e Revolucionit Francez në 1789, nisën me një paradë tradicionale ushtarake në mëngjes me kolona tankesh dhe aeroplanë. Përpara ceremonisë, presidenti francez Emmanuel Macron i dha Modit kryqin e madh të Legjionit të Nderit, urdhri më i lartë i meritave të vendit, të cilin udhëheqësi e përshëndeti si "një nder për 1.4 miliardë banorët e Indisë". Mbështetja e Modit këtë vit pasqyron thellimin e lidhjeve midis Francës dhe Indisë, të cilat po shënojnë 25 vjet të "partneritetit strategjik". Dita e Bastijes do të jetë një çështje më e matur se në vitet e mëparshme pas pesë netëve trazirash nga 27 qershori për shkak të vrasjes së një të mituri nga policia. Nga ana tjetër I gjithë vendi është në masa të rrepta sigurie, përfshirë ndalimin e shitjes së fishekzjarreve. Oficerë të ndryshëm kanë patrulluar në shumë zona, teksa nuk munguan as kontrollet në vendet ku qëndruan spektatorët e organizimeve. Pamjet: AFP