Dikur këta avionë Mig ishin krenaria e flotës ajrore ushtarake të Shqipërisë si pjesë e traktatit të Varshavës. 15 maj 1955 është dita e krijimit të regjimentit ajror të Kucovës. Ndërkohë në korrik 1957 u ul avioni i parë bombardues JI-28. 20 vite më pas eksperimentohet qitje natën me raketa, ndërsa në vitin 1977 për herë të parë kryhet bombardimi nga fluturimi horizontal në lartësi të vogël. Pilotët e Migëve bashkë me inxhinierët e teknikët e remontit të avionëve, u shkolluan në Bashkimin Sovietik e më pas në Kinë. Edhe ata u bënë pjesë e një ngjarje të paimagjinueshme se si Kucova e Migëve ia la vëndin uljes për herë të parë të avionëve të NATOs. Sokrat Shoraj për 32 vite ka shërbyer si komandant skuadrilie për avipnët MIG 17. Ish nënkoloneli aviacionit shqiptar e shikon tranformimin e bazës si një lajm të mirë.