Një zjarr ka shkrumbuar një shtëpi në fshatin Shkall të Klosit, ku jetojnë 11 anëtarë të familjes. Flakët dogjën katin e dytë dhe pjesën e katit të parë, ndërsa shkaku i zjarrit mbetet i panjohur. “Kati i dytë dhe gjysma e katit të parë u shkrumbuan komplet. Ishim në mes të dimrit dhe ftohtësia është e madhe. Fati i vetëm ishte reshja e shiut që ndihmoi pak,” tha kryefamiljari, Behar Musta. Zjarrfikësit mbërritën shpejt, ndërsa komuniteti lokal ndihmoi familjen që mbeti e pastrehë.