Policia e Tiranës ka zbardhur një incident të dhunshëm të ndodhur në një berberhane në kryeqytet dy ditë më parë. Plagë të rënda nga sulmi mori 48 vjeçari, Adriatik Roshi. Për ngjarjen janë arrestuar dy persona, të identifikuar si Gani Koçeku, 24 vjeç dhe Ledio Tusha, 31 vjeç, ndërsa katër të tjerë janë shpallur në kërkim. Ngjarja dyshohet se ka lidhje me sherrin në Palasë verën e vitit të shkuar, ku Luçiano Koçeku, biznesmen, u sulmua dhe u plagos rëndë në një lokal nate. Policia dyshon se rrahja e Roshit mund të jetë bërë për hakmarrje, pavarësisht se është ende e paqartë nëse 48 vjeçari ka qenë pjesë e sherrit të 24 gushtit 2024 në Palasë. Organizator i sulmit ndaj Roshit mësohet të jetë biznesmeni Koçeku. Pas ngjarjes është sekuestruar 1 armë zjarri pistoletë dhe 1 armë gjahu, që i posedonin këta shtetas, 2 automjete dhe disa veshje që kanë mbajtur autorët gjatë ngjarjes. 48-vjeçari ndodhet në spital, në kujdesin e mjekëve, ndërsa vijojnë hetimet për kapejn e personave të shpallur në kërkim.