Imazhe të rënda tregonin sot qindra emigrantë në pritjen pambarim para gardhit të pikës kufitare Kuznica-Bruzgi mes Bjellorusisë e Polonisë. Presidenti bjellorus Alexander Lukashenko tha se po punon për riatdhesimin e emigrantëve të grumbulluar në dy vendet evropiano-lindore. Ndërsa polonia ka nisur ndërtimin e një gardhi të ri përforcues në rajon që pritet të përfundojë në gjysmën e parë të vitit që vjen. "Ky është një prioritetet absolutisht strategjik për sigurinë e kombit dhe qytetarëve tanë”, tha ministri i brendshëm polak Marius Kaminski. Ai shtoi se kosto e gardhit të ri do të jetë 353 milionë euro, i cili do të shtrihet në rreth 180 kilometra gjatësi, thuajse në të gjithë kufirin me Bjellorusinë. Por megjithashtë mijëra emigrantë, kryesisht nga Linsja e Mesme kanë kaluar drejt Polonisë që prej verës së sivjetshme. Polonia ka reaguar ndaj fluksit të refugjtëve duke dërguar forca ushtarake e policore e duke shpallur aty gjendjen e emergjencës. Njësi ushtarake nga vende të tjera të BE kanë shkuar në mbështetje të Polonisë. Në pamjet e publikuara janë parë forca polake sigurie që shtyjnë ose godasin me shkopinj emigrantët që tentojnë kalimin, çka ka marrë kritika të ashpra nga grupet e të drejtave.