Dhjetra persona, përfshirë nëntë fëmijë humbën jetën në përmbytjet në qarkun Kerr në Teksas të SHBA, ndërkohë që dhjetra të tjerë rezultojnë të zhdukur. Prindërit në Teksas postuan menjëherë në mediat socialefoto të vajzave të tyre të vogla që ishin në një kamp pranë lumit Guadalupe duke kërkuar informacion për to. Presidenti amerikan Donald Trump, thotë se administrata e tij po punon ngushtë me autoritetet lokale për t'iu përgjigjur emergjencës, duke shtuar se Sekretarja e Sigurisë Kombëtare, Kristi Noem, do jetë në Teksas. Shërbimi Kombëtar i Motit lëshoi njoftimin për një emergjencë për përmbytje në Teksasin jugor.