Ish-agjenti i Shërbimit Sekret e konsideron ‘dështim pas dështimi’ sigurinë e ish-presidentit Donald Trump, përpara ngjarjes së rëndë. Ish-agjenti i Shërbimit Sekret, Timothy Miller, tha për BBC-së se ajo që ndodhi në plagosjen e Donald Trump në Pensilvani ishte “një fije floku larg nga vrasja presidenciale”. I pyetur se çfarë duhet të kishte bërë Shërbimi Sekret, Miller thotë se duke pasur parasysh “saktësinë vdekjeprurëse të një pushke M-16” duhet të kishte pasur patrulla në zonën pranë ndërtesës ku ishte personi i armatosur dhe policia e armatosur “lart në çati”. “Pasi u identifikua se në atë çati ishte një burrë i panjohur i armatosur, me pushkë, në një distancë prej 150 metrash nga presidenti, ekipet e kundër-snajperëve duhet të kishin ndërmarrë veprime menjëherë dhe siç duhet. Ndërsa e shikoni të gjithë këtë gjë, ka dështim pas dështimi”, deklaroi ai. Miller thotë se nëse ish-presidenti nuk do ta kthente pak kokën në anën e kundërt, personi i armatosur do ta kishte vrarë.