Pak pasi Gjykata e Apelit la në fuqi dënimin me 1 vit burgim për deputetin Ervin Salianji, me akuzën e “Kallëzimit të rremë”, opozita e konsideroi një sulm të paprecedent që po i bëhet Partisë Demokratike. Kreu i grupit Gazmend Bardhi tha se ky është një vendim politik, ndërsa nuk kurseu akuzat për gjyqarin e çështjes. Njëzëri deputetë të tjerë të Partisë Demokratike e cilësuan vendimin e gjykatës si një goditje për opozitën dhe për shtetin ligjor. Flamur Noka tha se drejtësia veproi për llogari të qeverisë dhe kundërshtari politik u trajtua si armik. Ndërsa Agron Gjekmarkaj deklaroi se kjo është një ditë e zezë për demokracinë dhe se demokratët nuk do të dorëzohen. Në mbështetje të deputetit salianji ka dalë edhe kryetari i Partisë së Lirisë, ilir Meta i cili tha se vendimi I sotëm është hakmarrje dhe përpjekë për t’i ndaluar Salianjit kandidimin në zgjedhjet e ardhshme.