Shumica socialiste dhe opozita në konferencën e kryetarëve nuk u dakortësuan në miratimin e kalendarit për punimet e kuvendit në javët e mbetura. Propozimet ishin që seancat plenare të zhvilloheshin me date 16 qershor, 26 qershor dhe 3 korrik. Konferenca nuk ra dakord dhe do votohet projektkalendari në seancen e të hënës së ardhshme. Kundërshtia e parë erdhi nga kreu grupit parlamentar demokrat Gazment Bardhi. “Ti rruga e mbarë për atje ku do të jesh në datën 12. I ke dhënë zgjidhje problemeve në Shqipëri, shko e zgjidh konfliktin në Ukrainë. Nuk ka asnjë arsye për të shtyrë seancën e Kuvendit. S’ka asnjë arsye të shtyhet seanca nga data 12 për në datën 16, sepse kjo është miratuar nga Konferenca e Kryetarëve. Kuvendi nuk është pronë dhe plaçkë e juaja, siç keni tentuar ta trajtoni kohët e fundit"