Opozita, me tyre kryetari i PD-së Sali Berisha, deputetët Sula dhe Mediu akuzuan maxhoranxën se ishin ata që e përzunë ish deputetin e ndjerë Andis Harasanin, madje e kanë përndjekur dhe në SHBA. Mediu: Të nderuar kolegë, e kam pasur kundërshtar por edhe mik. Do tu kërkoja në repsekt të asaj që bëmë bashkë për 1 minutë heshtje, ndoshta do të ishte e nevojshme që Ministria e Jashtme të interesohet pranë familjes që ky moment mos të kalojë vetëm moment nderimi por edhe ndihmë që mund të ofrojë shteti shqiptar. Jo vetëm që do shprehnim respekt por do tregonim edhe resket Balla: Kam në këtë sallë 20 vjet dhe kurrë nuk kemi bërë këtë që ndodhi sot. Andisin e kam pasur shok dhe po ashtu një pjesë e mirë këtu, por kurrë nuk ka ndodhur kjo që u bë tani. Edhe propozimi i Mediut, faleminderit për këshillat, por këto i kemi bërë mes njeri tjetrit jo në publik. Kemi qenë gjithmonë bashkë. Ne nuk dolëm kurrë të bënim politikë me vdekjen. Unë e di që bufi dhe korbi nuk janë larg por ju lutem lieni familjen. Nuk shkon kjo, nuk ka ndodhur asnjëherë kjo që po bëni sot. Sula: Do t’i thoja ministrit ti kursejë lotët e krokodilët. Ju i vrisni natën dhe i qani ditën Spiropali: Ju lutem respektoni të ndjerin dhe familjen e tij se akoma nuk është varrosur Sula: E përzutë nga Shqipëria, e keni përndjekur dhe atje. Vazhdoni ta shkelni rregulloren me të dyja këmbët. Sot është një seancë e rëndësishme të flasim për hallet e qytetarëve. 140 deputetë të marrin fjalën të ngrenë shqetësimet, ju jeni të pangopur si maxhorancë.