Top Channel/ Buxheti 2025, Veliaj: Ushqim falas për nxënësit e shkollave të Tiranës
14/12/2024 18:56

Viti 2025 do të sjellë një transformim rrënjësor sa i takon trajtimit të nxënësve në shkollat publike të kryeqytetit. Ashtu si për shtresën e pensionistëve, të cilët nga 1 janari 2025 do të udhëtojnë falas me autobus në Tiranë, kryebashkiaku Erion Veliaj njoftoi se pjesën më të madhe të buxhetit për të rinjtë vitin tjetër do ta marrë ushqimi falas në shkolla. Ai tha se në këtë mënyrë çdo nxënës do të ketë një trajtim të barabartë, duke marrë si shembull edhe eksperiencën e suksesshme në çerdhet dhe kopshtet e kryeqytetit. “Ajo që kemi parë në shumë prej shkollave tona është se në lagje të ndryshme të Tiranës, fëmijët ushqehen ndryshe. Qartazi ka mungesa të kalorive dhe vitaminave. Prandaj, Bashkia e Tiranës po sjell një filozofi solidare. Ajo që ne themi, si të majtë, është se të gjithë duhet ta kenë fillimin e barabartë. Ndaj, vendimi më i rëndësishëm i bashkisë për 2025-ën, për të këtë buxhet, është ushqimi falas për të gjithë nxënësit e Tiranës, si një mundësi për t’i dhënë të gjithë fëmijëve një fillim të barabartë”, u shpreh Veliaj. Ai nënvizoi se buxheti ka në fokus njerëzit që kanë më shumë nevojë për mbështetje, duke nisur nga fëmijët, studentët dhe të moshuarit. Veliaj shtoi se, edhe gjatë këtij viti, Bashkia e Tiranës do të vijojë të subvencionojë 100% abonenë për studentët, ashtu sikurse edhe për pensionistët. “Më shumë nevojë kanë fëmijët dhe nxënësit, prandaj e kemi fokusin te shkollat, kopshtet dhe çerdhet. Po ashtu, kanë nevojë studentët, prandaj do ta subvencionojmë sërish 100% abonenë e studentit. Madje, ky është buxheti i parë që subvencionon me 192 mijë lekë në vit, 16 mijë lekë në muaj, abonenë e përgjithshme të transportit për të gjithë gjyshërit dhe gjyshet tona. Do të duam që me ushqimin falas, abonenë falas dhe konviktet gjysmë të paguara nga bashkia, të sjellim një frymë të re solidare, mbështetje, të majtë dhe të bukur, për bashkinë tonë dhe për qytetin tonë”, u shpreh ai. Veliaj u ndal te shkollat e reja në kryeqytet, duke deklaruar se gjatë vitit të ardhshëm do të ndërtohen 5 godina të reja arsimore, duke e çuar në 50 me zero rezultatin ndaj opozitës, që sipas tij kërkon të vijë në pushtet vetëm me retorikë, dhe jo me votë apo me punë. “Edhe ciniku më i madh nuk e mohon dot realitetin e shkollave në Tiranë. Kemi ndërtuar 45 shkolla, ku njëra është më e bukur se tjetra. Kemi hapur garën për 5 shkolla të reja. Deri në fund të muajit do të kemi fituesit, që përfundimisht edhe lagjja e fundit e Tiranës, të ketë buqetën e saj të shkollave. Nisim ndërtimin e tre shkollave të reja te Astiri: një nga shkollat përfshin çerdhe, kopësht, parashkollor dhe 9-vjeçare; shkolla tjetër është 9-vjeçare, me gjimnaz, do funksionojë si shkollë e bashkuar. Tani rezultatin e kemi 45 me zero. Me këtë buxhet rezultati shkon 50 shkolla me zero. Muhabetet e tjera: “Ik ti që të vij unë, ose ik ti që na munde me 60 mijë vota, që të vij unë”, “hap ti rrugën që të vij unë”… nuk funksionon kështu. Funksionon me punë dhe me votë. Duhet t’u pëlqejmë të gjithëve apo t’u shërbejmë të gjithëve? Unë besoj se ne të bashkisë e kemi ndarë mendjen: duhet t’u shërbejmë të gjithëve”, deklaroi ai.

Top Channel/ Berisha: Ja video e trenit bullgar! Nuk i gjykoj dot komisionerët e PD
10/06 19:38
Top Channel/ Rinumërim në Tiranë, Fier e Durrës! Kalaja i PD: Iu shtuan votat Arjan Ndojës
10/06 19:33
Top News- Berisha sërish në SPAK/ Kreu i PD pyetet për kallëzimin e Irena Gjokës
09/06 19:52
Top Channel/ Debat për axhendën e kuvendit, PS-PD sherr për 3 seancat e fundit
09/06 19:51
Top News – Zbardhen debatet në konferencen e kryetarëve, përplasje mes PS-PD
09/06 19:51
Top Channel/ Shtyhen hetimet për Ilir Metën, avokati: U tejkaluan afatet
09/06 19:50
Top News- SPAK zgjat hetimet për Metën/ Merr kohë dhe tre muaj, reagon avokati I kreut të PL
09/06 19:42
Top Channel/ Zhupa debat në komision:Ca të nënës dhe ca të njerkës! Fidel Ylli: Unë rri se bëj punën
09/06 19:29
Top News- Murrizi ‘bën për 1 lek’ Bardhin e Bylykbashin: Mbyllët listat për b* tuaj të përdredhur
09/06 19:10
Top News – Spiropali pret homologen bullgare. Falenderon Bullgarinë për mbështetjen për integrimin
09/06 16:48
Top News- ‘Luftë në arenën ndërkombëtare’, Berisha paralajmëron zhvillime të reja
07/06 15:28
Top News- Letër nga Berisha për bllokim të negociatave? Ish-kryeministri u përgjigjet akuzave
07/06 15:28
Top News- Përplasja mes Musk dhe Trump/ Kujt i jep dë drejtë Berisha?!
07/06 15:27
Top News- Uron kombëtaren dhe thumbon Ramën: Ata që janë me Vuçiçin mos të shkojnë në ndeshje
07/06 15:25
Top News- Berisha zbardh bisedimet në Bruksel dhe tregon bisedën me McAllister
07/06 15:25
Top News- ‘Dy spiunë, me urgjencë në Bruksel’, Berisha ngre dyshime për tradhti
07/06 15:24
Top News- Restaurimi i ish-burgut të Spaçit, Berisha: Po tentojnë të mbulojnë krimet e komunizmit
07/06 15:24
Top Channel/ Berisha kundër restaurimit të Spaçi: Përpjekje për të mbyllur me suva dhe bojë..
07/06 14:54
Top News- Konferenca e kreut të PD/ Berisha bën bilancin e takimeve disaditore në Bruksel
07/06 14:51
Top News – Kontrolli i investimeve të huaja. PS propozon ndërhyrje në ligj për sektorët strategjikë
07/06 10:47