Gjykata e Posaçme ka dënuar me burgim të përjetshëm Ardian dhe Florenc Çapjen për vrasjen e Gentian Beqirit dhe të atit të tij, Nezirit në vitin 2012 në Elbasan. Po ashtu, me burgim të përjetshëm është dënuar edhe Olsi Leku. Kurse për Ervis Bardhin, bashkëpunëtor i drejtësisë në këtë proces, gjykata dha 15 vite burg. Nga 25 vite burgim Gjykata e Posaçme dha për Klaidi Dokoli dhe Etien Çani. Ishte pikërisht vrasja e biznesmenit Sokol Çapja në dhjetor të vitit 2005 në Elbasan, vëllait të Ardjanit ajo që solli serinë e vrasjeve dhe hakmarrjeve në Elbasan. Ardjan Çapja me ndihmën e nipit të tij Florenca Çapja punësuan Ervis Bardhin për të vrarë një nga vrasësit e Sokol Çapjas. Në vitin 2012 Ervisi bëhet i penduar i drejtësisë pasi gjurmët e gishtërinjve të tij kishin mbetur në mjetin e që kishte përdorur për tu larguar nga vendi ku vrau Gentian Nezirin bashë me të atin. Arrestimi i Ardjan Çapajas mëngjesin e 29 marsit të vitit 2021 erdhi pas dëshmisë së dhënë një vit më parë nga i penduari i drejtësisë Ervis Bardhi, i cili ka pranuar se kishte qenë ai që tërhoqi këmbëzën e armës që vrau në gjumë Gentjan Beqirin. Ndërkohë Florenca Çapja është ende në kërkim pasi akuzohet si porositësi i vrasjes së dy personave, babë e bir. Vuajtja e dënimit për të do të fillojë të llogaritet nga dita e arrestimit të tij dhe do të kryhet në një nga Institucionet për të dënuarit e rritur dhe të sigurisë së lartë.