Maqedonia e Veriut po i ndjek me vëmendjen zhvillimet në Kosovë, por edhe Shkupi zyrtar, në thirrjet e tij drejtuar palëve kërkon bashkëpunimin të ngushtë me bashkësinë ndërkombëtare. Ky apel, më së shumti, i drejtohet Prishtinës. Ministri i Punëve të Jashtme, Bujar Osmani deklaroi se bashkëpunimi me aleancën euroatlantike, BE-në dhe SHBA-në, është me rëndësi të madhe në kapërcimin e problemeve, e këro pohime i bazoi sic tha, në vetë eksperiencën e Maqedonisë së Veriut. “Unë vetëm mund të ftoj autoritetet e Kosovës që të kenë bashkëpunim të ngushtë me komunitetin euroatlantik për shkak se eksperienca jonë na tregon se bashkëpunimi me ta, koordinimi me ta, besimi tek ata asnjëherë nuk na ka lënë në baltë, nuk na ka tradhtuar. Këshilla më e mirë që mund t’ia japim, jo vetëm Kosovës, por të gjithëve në Ballkanin Perendimor– eshte qe te mbajne ngushtë raportet me komunitetin euroatlantik për shkak se kjo është e ardhmja e vetme e rajonit”, u shpreh Osmani. Kreu i diplomacies foli edhe draft-propozimin e kryeministrit shqiptar, Edi Rama lidhur me Asociacionin e komunave me shumicë serbe, duke theksuar se bëhet fjalë për një “nismë të re” për t’i lëvizur palët nga pozicionet e tyre. “Pa e komentuar këtë tekst nuk pretendoj se Rama tenton të imponojë zgjidhje. Unë them se ai po përpiqet të krijojë shteg për të dalë nga ky ngujim. Edhe në emër të shtetit të Maqedonisë së Veriut, por edhe në emër të OSBE-së si vend kryesues i radhës, përshëndes këtë nismë të kryeministrit të Shqipërisë që mendoj se ka qëllime të mira. Megjithatë, autoritetet në Prishtinë janë ato që vendosin se cila është më e mira për to”, theksoi Osmani.