Kryeministri Edi Rama po zhvillon një takim me kandidatët e qarkut Berat këtë të martë. Kreu i PS iu drejtua kandidatëve që të mos ndërhyjnë në garën për zgjedhjet. Ai theksoi se në çdo listë janë respektuar të gjitha komunitetet, bashkitë, moshat apo gjinitë. Rama: Dëshiroj t’iu them kryetarëve të bashkive, që duhet të jenë në dispozicion të PS, të numrit 5, ajo 5 më pëlqeu shumë, se është 5 me 1. Detyra juaj është të bëni këtë, por nuk duhet të ndërhyni në garë. Kandidatët në listë duhet të ketë garë pa interferenca. Janë zgjedhur sipas zonave për të pasur përfaqësim më të gjerë. Kemi respektuar të gjitha komunitetet, bashkitë, moshat, gjinitë. Zgjedhja është PS dhe Edi Rama, pastaj një preferencë.