Trump dhe Putin pritet të takohen në shkallët e avionit! Është kjo e dhëna më e fundit, teksa sytë e gjithë botës janë kthyer nga Alaska, aty ku brenda dy orësh liderët e dy fuqive të mëdha do të ulen përballë njëri-tjetrit për të arritur një marrëveshje për luftën në Ukrainë. Në një reagim të fundit nga Kremlini thuhet se bisedimet mes Presidentit amerikan dhe atij rus do të zgjasin me orë të tëra,. Sipas zëdhënësit të Kremlinit, Dmitry Peskov, bisedimet Trump-Putin mund të zgjasin deri në shtatë orë. Sipas tij, Trump do e presë Putin në shkallët e avionit, kur ky i fundi të mbërrijë në Alaskë. Rrugës për në Anchorage, Presidenti Putin vizitoi Magadanin, një qytet port në Detin e Okhotsk. Ai u ndal te një fabrikë e përpunimit të vajit të peshkut, si dhe zhvilloi një takim me zyrtarët vendas. Më herët gjatë ditës, Kreu i Shtëpisë së Bardhë u shpreh i bindur se homologu rus nuk do të bëjë lojëra në takimin e tyre të parë kokë më kokë në 6 vjet.