Një grup turistësh nga Ukraina dhe Bjellorusia humbën rrugën gjatë kohës që ishin duke eksploruar gadishullin e Karaburunit. Në pamundësi për të vijuar guidën, ata telefonuan emergjencat e shtetit grek dhe kërkuan ndihmë. Menjëherë pas telefonatës, autoritetet fqinje vunë në dijeni policinë shqiptare që u nis në ndihmë të grupit të të huajve. Pas afro gjashtë orësh kërkime, grupi prej pesë personash u gjet në gjendje të mirë shëndetësore në afërsi të zonës Dukatit. Ndërkohë pak orë më vonë policia kufitare në Dhërmi u erdhi në ndihmë dhe dy turistëve amerikanë që ishin bllokuar në shkëmbinjtë e Gjirit të Filikurit teksa lëviznin me kanoe në det. Kjo është e disata herë që turistë të huaj bllokohen gjatë eksplorimeve të zonave malore apo detare pasi lëvizin pa gudia turistike. Madje shpesh këto aventura u kanë kushtuar edhe jetën turistëve.