Ministria polake e mbrojtjes publikonte sot pamje të shtimit të forcave bjelloruse në vendndodhjen e krizës kufitare të emigrantëve. Trupi i një të riu sirian u gjet sot pranë kampit te improvizuar të emigrantëve, të cilët prej ditësh janë të bllokuar në temperatura thuajse nën zero. Të paktën 2000 emigrantë janë bllokuar në zonën para kufirit polak, dhe nuk lejohen të lëvizin në asnjë drejtim nga ushtritë e dy vendeve kufitare. Policia polake tha se trupi i të riut ishte brenda territorit të Polonisë. Ndërkohë autoritetet nga të dy vendet dhe aleatët e tyre kanë nisur sot të sjellin ndihma humanitare si tenda ngrohëse e veshje. Policia tha se nuk mund të përcaktojë menjëherë shkakun e vdekjes së viktimës. Fqinjët e Bjellorusisë paralajmërojnë se situata mund të përshkallëzohet në një konflikt ushtarak.