Presidenti ukrainas ,Volodymyr Zelensky ka thënë se "çështja territoriale është elementi më i vështirë" i marrëveshjes së paqes. Kremlini vazhdon të kërkojë nga Ukraina që të heqë dorë nga territori që kontrollon në lindje, diçka që Kievi ka pohuar prej kohësh se nuk do ta bëjë kurrë. BBC-ja raporton se heqja dorë nga territori ku jetojnë të paktën një çerek milioni ukrainas, pra qytetet e "rripit të fortesës": Donjetsku, Slovjansku dhe Kramatorsku nuk do të jetë e pranueshme për shumicën e ukrainasve. Plani i paqes i mbështetur nga SHBA-ja propozon që Krimea, Luhansku dhe Donetsku të njihen "si de facto ruse, përfshirë edhe nga Shtetet e Bashkuara". Kjo do të thotë që Ukraina dhe vendet e tjera nuk do të kenë nevojë të njohin ligjërisht kontrollin rus. Sekretari i Shtetit i SHBA-së, Marco Rubio, ka thënë se SHBA-ja po përpiqet të përcaktojë se për çfarë do të bien dakord Rusia dhe Ukraina, ndërsa përpjekjet për një marrëveshje paqeje po intensifikohen. Duke folur për Fox News Channel, Rubio ka thënë se Rusia dhe Ukraina po luftojnë për një hapësirë prej 30 deri në 50 kilometrash.