Situata nga moti i keq vijon të jetë problematike në disa zona të vendit. Në Devoll u shënua viktima e parë, një 75-vjeçare e cila vuante nga demenca. Në mbarë vendin rreth 200 familje u evakuuan nga banesat e tyre për shkak të përmbytjeve, nga të cilët 150 janë rikthyer në shtëpitë përkatëse, ndërsa pjesa tjetër është strehuar në konvikte. Problematike situata mbetet edhe në qarkun e Fierit si pasojë e daljes nga shtrati të lumit Seman. rreth 110 hektarë tokë është me prezencë uji në fshatrat Kashisht, Çerven dhe Ferras. Nën ujë janë edhe 40 puse aktiv nafte. Në çiflig dhe Arrëz, fshatra të bashkisë Dimal janë rreth 110 banesa dhe 500 hektarë tokë bujqësore nën ujë. Qindra gjedhë kanë ngordhur deri më tani, ndërsa banorët tregojnë se askush nuk u ka ardhur në ndihmë. Në qarkun e Korcës nën uje janë mbi 300 hektarë tokë e mbjellë me grurë, misër, patate etj, në dhe 35 hektarë në Pogradec. Ndërkohë në Sarandë, 25 persona janë strehuar në çadra në Çukë, pasi shtëpitë e tyre u përmbytën nga reshjet e ditëve të fundit. Intensiteti i reshjeve dëmtoi rëndë përgjatë së shtunës edhe urën e fshatit Glinë në Bashkinë Dropull duke izoluar 5 fshatra. Në zonat malore të Shkodrës reshjet e shiut ia lanë vendin borës. Në rrugën qafë Thore- Theth ka reshje bore me intensitet mesatar por edhe në pikën turistike të Razmës