Top Channel/ Bie Vuçiç?! Serbia ndizet nga protestat, mijëra studentë e qytetarë në rrugë
24/01/2025 19:33

Në të gjithë Serbinë është duke u mbajtur të premten një grevë e përgjithshme. Në këtë aksion, qytetarët janë ftuar nga studentët, të cilët për më shumë se dy muaj bllokojnë fakultetet, duke kërkuar përgjegjësi penale dhe politike për vdekjen e 15 personave nga shembja e strehës në Stacionin Hekurudhor në Novi Sad, më 1 nëntor. Greva e përgjithshme ose “mosbindja e përgjithshme civile”, siç e quajnë studentët ndryshe, nënkupton ndërprerje të plotë të punës dhe të çdo aktiviteti tjetër të përditshëm, si: shkuarja në dyqane apo restorante, kinema, teatër e të tjera. Studentët u kanë sugjeruar punonjësve që kanë frikë nga reagimi i punëdhënësve të tyre, “të marrin ditë pushimi, të hapin pushim mjekësor ose të dhurojnë gjak”. Më shumë se 200 kompani kanë konfirmuar më herët se do t’i pezullojnë operacionet, në solidaritet me studentët. Mbështetje për studentët kanë ofruar figura të shumta publike, aktorë, këngëtarë, sportistë, punonjës të medias, si dhe individë nga profesione të tjera, si avokatë, gjyqtarë, prokurorë, mjekë, edukatorë, e po ashtu edhe politikanë të opozitës në Serbi. Në të njëjtën ditë që po mbahet greva e përgjithshme, presidenti i Serbisë, Aleksandar Vuçiç, organizon një tubim në Jagodinë – qytet në Serbinë qendrore – në të cilin pritet të formohet “Lëvizja për popullin dhe shtetin”. Kësaj lëvizjeje, siç ka thënë ai, do të mund t’i bashkohen të gjithë, pavarësisht përkatësisë partiake. Në fokus të saj, sipas tij, do të jetë e ardhmja e Serbisë. “Ky tubim nuk është kundër askujt, por tubim për t’i bashkuar të gjithë njerëzit e zgjuar dhe normalë në Serbi”, ka shkruar Vuçiç në llogarinë e tij në Instagram. Autoritetet në Serbi pretendojnë se në organizimin e protestave të studentëve janë të përfshira shërbimet e huaja të inteligjencës dhe se mes studentëve ka “mercenarë të huaj”. Sipas tyre, këtë e dëshmon fakti se bllokadat e studentëve nuk ndalen, edhe pse kërkesat e tyre janë plotësuar – gjë që hidhet poshtë nga studentët. Kërkesat e studentëve për ndalimin e bllokadave përfshijnë publikimin e dokumentacionit të plotë për rindërtimin e Stacionit Hekurudhor të Novi Sadit, për të përcaktuar përgjegjësinë për aksidentin e 1 nëntorit, 2024. Ata gjithashtu kërkojnë që sulmuesit e demonstruesve nëpër Serbi, gjatë protestave që pasuan aksidentin, të identifikohen dhe të përballen me përgjegjësi penale. Kërkesat përfshijnë edhe lirimin e aktivistëve të arrestuar gjatë protestave, ndalimin e procedurave penale kundër tyre, si dhe rritjen e buxhetit për universitetet. Pesëmbëdhjetë minuta heshtje edhe në Mitrovicë të Veriut Ndërkohë, në shumë qytete anembanë Serbisë janë mbajtur sot 15 minuta heshtje, për të nderuar 15 viktimat e Novi Sadit. I njëjti aksion, me disa dhjetëra qytetarë, është mbajtur edhe në Mitrovicë të Veriut, komunë e banuar me shumicë serbe në pjesën veriore të Kosovës. Sërgjan Gjorgjeviç, i cili bëri thirrje që ky aksion të mbahet në shenjë solidariteti me studentët në Serbi, tha se në këto rrethana në Kosovë “nuk është e lehtë të shprehet mendimi, qëndrimi apo solidariteti”. “Përkundër kësaj, ne jemi sot këtu”, tha ai. Aksioni i 15 minutave heshtje është mbajtur para Fakultetit Filozofik në Mitrovicë të Veriut, i cili funksionon në kuadër të Universitetit të Serbisë. Para nisjes së aksionit, ky fakultet është distancuar nga organizimi i tij, ndërsa Parlamenti studentor u ka bërë thirrje studentëve në Serbi që të distancohen nga mbështetja e kryeministrit të Kosovës, Albin Kurti. “Ai që ju ka mbështetur, po na vret dhe po na dëbon”, thuhet, ndër të tjera, në deklaratë.

Top News- ‘Serbia, shtet-satelit i Rusisë’/ Osmani akuza drejt Beogradit për destabilizim
15/07 14:57
Top News- Serbia bashkon ushtrinë me Kinën/ dy vendet programojnë stërvitje të përbashkët ushtarake
15/07 12:43
Top News – ‘Trump ndaloi sulmin e Serbisë…’/ Rashiq nuk bën komente: Nuk kam informacion…
13/07 15:07
Top Channel/ Serbët, provokime në Srebrenicë: Në ditën e përvjetorit, vendosin muzikë nacionaliste!
12/07 11:58
Top Channel/ Kujtohen viktimat e Srebrenicës! 30 vite nga ngjarja e çetnikëve serbë
11/07 15:13
Top News – Kur u shfarosën 8 mijë burra…Srebrenica, ‘turpi’ i Evropës, 30 vite nga gjenocidi
11/07 12:26
Top Channel/ Përkujtimi i Srebrenicës, 150 mijë persona pritet të marrin pjesë
11/07 12:13
Top News – ‘Integrimi nuk ndodh as në ëndërr’. Eurodeputetja greke-Në Shkup, maqedonas të rremë
10/07 11:38
Top Channel/ Lista Serbe kundër urave, qytetarët serbë: Nuk duam ura të reja, të hapet ajo e Ibrit!
08/07 15:19
Top News – Greqia përvëlohet, mbyllet Akropoli / Temperatura mbi 42 gradë, alarm i kuq për zjarre
08/07 14:48
Top News- Letra e hidhur e Trump për Vuçiç/ SHBA kërcënon Serbinë me tarifa shtesë
08/07 12:06
Top News – Marshi i Paqes në Srebrenicë / Mijëra njerëz kujtojnë viktimat e gjenocidit
08/07 11:56
Top Channel/ 30 vjet nga ngjarja, nis në Bosnje marshimi për Srebrenicën!
08/07 11:44
Top News- Mosbindje kokëfortë në Serbi/ Protestat masive në javën e dytë, Vuçiç nuk tërhiqet
07/07 16:33
Top News – Greqia ndalon punën nga i nxehti / Të gjithë në shtëpi nga ora 12.00 deri në 17.00
07/07 15:01
Top News – Një taksë për beqarët. Mickoski s’e ka seriozisht, por shpopullimi është problem
07/07 12:26
Top News – 450 mijë njerëz në koncert…Paralizohet Zagrebi nga simpatizanti i nazistëve
06/07 13:39
Top Channel/ Koncerti me simbolika naziste/ Marko Perkovic, Thompson mbledh gjysmë milioni kroat
06/07 10:55
Top News- Beogradi në mosbindje civile/ Policia heq bllokadat, nis arrestimin e studentëve
04/07 14:59
Top News- Autorët e ‘Banjskës’, afër Vuçiç/ BE: Rasti po ndiqet, duhet llogaridhënie për sulmin
04/07 12:20