Gjykata e Tiranës ka rrëzuar padinë e kryeministrit Edi Rama ndaj Lulzim Bashës, që lidhej me një deklaratë të bërë nga Basha në vitin 2018, për të cilën Rama kërkonte një dëmshpërblim prej 1 milion lekësh. Po ashtu Rama kërkonte nga Lulzim Basha të publikonte një përgënjeshtrim për deklaratën e bërë, ku Basha kishte thënë se Edi Rama në Durrës dhe në Dibër i kishte fituar zgjedhjet me ndihëm e bandave, por Gjykata ka vlerësuar se padia se nuk është e bazuar në ligj dhe prova. “Gjykata, bazuar në rrethanat e konstatuara gjatë hetimit gjyqësor, në dispozitat ligjore përkatëse dhe në arsyetimin e mësipërm, çmon se padia nuk duhet pranuar pasi është e pabazuar në ligj dhe në prova”, deklaron Gjykata. Menjëherë më pas ka reaguar edhe vetë Rama, duke ironizuar vendimmarrësit e këtij rasti, për të cilët thotë se niveli i arsyetimit është sa i një 12-vjeçari. “Pra sipas gjykatëses, Luli s’ka shpifur përderisa shpifja e tij s’më ka larguar mua dot nga detyra!!!”, shton Rama me ironi.