Presidenti i zgjedhur i Shteteve të Bashkuara të Amerikës, Donald Trump, ka njoftuar se ceremonia e betimit të tij për marrjen e detyrës do të bëhet brenda në Kapitol për shkak të shqetësimeve se më 20 janar mund të ketë mot të acartë. Ky ndryshim do të thotë se shumë më pak njerëz do të jenë në gjendje ta shikojnë momentin kur Trumpi bëhet zyrtarisht presidenti i 47-të i SHBA-së. “Ka një shpërthim në Arktik që përfshin vendin. Nuk dua të shoh njerëz që mund të lëndohen. Në asnjë mënyrë. Janë kushte të rrezikshme për dhjetëra mijëra forca të sigurisë si dhe për qindra mijëra mbështetës që do të jenë jashtë për shumë orë në datën 20. (Në çdo rast, nëse vendosni të vini, vishuni trashë)”, shkroi ai në “Truth Social”. Trumpi në postim vuri në dukje se ish-presidenti Ronald Reagan u betua në vitin 1985 në ambiente të brendshme për shkak të temperaturave nën zero. “Ne do të hapim Capital One Arena të hënën për shikimin LIVE të kësaj ngjarjeje historike dhe për të pritur Paradën Presidenciale. Unë do t'i bashkohem turmës në Capital One, pas betimit tim”, shtoi ai.