Kryetari i Partisë Demokratike, Sali Berisha, që nuk e ka pranuar humbjen, duke e cilësuar procesin zgjedhor si grabitjen e radhës. Nga foltorja e improvizuar në dritaren e shtëpisë së tij, ai ka akuzuar për manipulime. Edhe kandidati i opozitës për Himarën, Petro Gjikuria, ka reaguar, pas humbjes së thellë ndaj Vangjel Tavos nga Partia Socialiste. Ai ka akuzuar se u përdorën metoda antidemokratike dhe se sipas tij u transformuan listat e zgjedhësve. “Kjo betejë ishte pararojë e betejave të ardhshme që do të thirremi për vendin tonë. Listat e zgjedhësve u përshtatën me interesat e kundërshtarëve tanë, duke i dhënë mundësinë një ushtrie partiake të merrte pjesë në zgjedhje dhe njëkohësisht, duke u mohuar këtë të drejtë mijëra qytetarëve të Himarës”, shkruan në statusin e tij Gjikuria.