Nga arresti i shtëpisë Sali Berisha doli te mbrojë aleatin e tij Ilir Meta, i cili ndodhet në arrest me burg. Rrëmbeu në mes të rrugës, tërhoqi zvarrë dhe goditi me urdhër të Edi Ramës, ish-presidentin, ish-kryeministrin, ish-kryetarin e Parlamentit, kryetarin e partisë së dytë më të madhe opozitare, z.Ilir Meta, e gjitha kjo si person nën hetim. Si solidaritet ndaj mikut te tij të mirë në ditë të vështirë, Berisha vendosi të nxjerrë demokratët në rrugë për të bllokuar akset kryesore në Shqipëri. Koha është veprim dhe vetëm veprim! Më datën 29, udhëheqësit e PD në qarqe marrin përsipër të organizojnë qytetarët në rang qarku për paralizën e plotë të këtij regjimi. Ftojmë qytetarët të bashkohen me ne. Partia demokratike ka në plan të bllokojë 5 nyje pasditen e 29 tetorit duke synuar paralizimin e qarkullimit veri- jug duke nisur nga mbikalimi i Milotit, rrethrrotulli i Bradasheshit, autostrada e Tiranës, rrethrrotullimi i Bradasheshit, rrotondo e Rrogozhinës dhe mbikalimi i Shkozetit. E ndërsa demokratët po bëhen gati për protestë me bllokim rrugësh, kryesia e partisë së lirisë nuk u mblodh për tubime, por doli me vendimin që Ilir Meta do vijojë drejtimin e Partisë nga burgu.